 |
 |
 |
 |
|
2006年11月19日 Posted in: 純日記 |
 |
| 如果我唔係怪異,我應該會開朗好多好多…我都可以習慣自己係怪物,有冇其他人可以?
Mp3聽番一首歌,係諗係自己,而唔係人地既.就係「只喝可樂的貓」.呢首舊歌都已經唔喺我Mp3一段日子,尋日突然想聽番又放番入去.或者我覺得自己比較可靠,自己俾自己既感覺更加舒服…我同你都尋找緊啲野…當我想搵一首歌既時候.突然發現你都搵緊,而且你搵到…其實我仲想繼續追問落去,不過我係咪唔應該再問?
希望自己冇咁得閒,忙啲,活躍啲.不過會控制自己有時間做番而家做緊既野.
密友就係有呢個好處.親密既感情可以隨時凍結,無論幾耐之後拎番出黎,仍然係溫暖既.彼此唔會介意對方只喺寂寞既時候先搵自己,關心可以隨便索取,又可以自然咁付出關心.你可以對佢唔好,可以破壞同佢之間既關係,享受講再見既快感,但係又唔洗為離開而內疚.因為密友就係徘徊喺邊緣既穩定關係,若即若離,但係永遠喺你身邊.
Backup工作大致完成,今日完成左font既backup.等到洗機前一日我會再backup晒啲msn既對話紀錄.
(閱讀全文)
|
 |
|
|
|
 |
 |
 |
 |
|
|
|
|
|
|
| 起初都仲係雨絲,慢慢,出現左大雨.無聲的擴展開去.
我既「第二次性格改造」.第一次係「串」變成「沉默」.刻意既改變,期望帶黎係我更加喜歡既自己.今次想由「沉默」,改成「外在活躍,內心沉默」.首要改變係對群體參與既頻密次數,唔計較麻煩,唔在意自己會好忙冇時間,盡量表現得更加活躍.跟住要改變既係對人態度,同埋相處方法.其實只不過係一個概念,總之我打算咁做.
或者係第一次轉變太過深入.我活躍既一面完全被抑壓.所以我而家…或者真係少少都唔活躍.有一段時間十分享受自己一個既寧靜,有啲時候又討厭只有自己一個影子.而家習慣左每日都有你陪住,一日比一日深陷.假使想放手都唔會太好過.可能之前所謂既享受只係一種抑壓,又一次產生甜檸檬心理… Chemistry 06/07 上學期測驗卷第四頁2c題.答案應該係”Yes.It is workable.”.因為「活躍政策」,我樂於同老師爭辯.內容係咁既 : Workable意指成功達到目的.目的在此處為point out which solid is sugar.題目中方法係用味覺試.因為呢個方法的確可以成功達到目的,所以係workable既.老師舉一個例子去反駁.一個人過馬路,但係會被車車死,所以佢過唔到馬路.不過其實,重點係佢過唔過到馬路.假如佢被車撞到之後仲爬到過對面馬路先死,其實佢係成功左.係workable既.所以,即使試完之後有可能死,但係試完講到結果,呢個方法仍然係workable既.題目冇註明個學生唔可以死.
你既每一首,表達既意思,愈黎愈難明白.其實我地之間可唔可以直接咁對話呢?有咩係唔可以講明白?…我唔知道你諗緊啲咩.
(閱讀全文)
|
|
|
|
|
|
|
|
|
|
|
|
|
|
|
| 今日大部份時間唔喺屋企,出街一次過買左好多想買好耐既野.
買左個內耳耳筒,試左一陣之後就知道內耳式同耳墊式各有好處.耳墊式(最普通果隻)係一定舒服過內耳式(冇左耳墊式圓形果個墊),因為內耳式要放到好入先至有佢既隔音效果.唔知入耳式(比內耳式更長更深入耳朵)又會係點既呢?我就冇乜興趣試,因為耳墊式點都係最舒服同冇咁傷聽覺既.
補充左長期處於不足狀態既衫,包括屋企著既,去街著既.前排買左件新冷衫,而家又換番件大啲既.中一買既36碼而家已經…所以買左40,不過都仲有啲細.最後再換件44既.
我一直覺得對同錯只不過係多數少數問題.係唔係多人著呢種衫,就一定係入流既呢?我就係果種少數人,鐘意著啲唔係潮流既衫.無錯你可以話我唔open-minded,唔肯接受新野.但係我覺得自己鐘意咩應該由自己決定,唔係多人揀我就要跟風.
點樣欺騙自己都好,始終覺得有冇人睇我xanga係好重要既事.成日叫自己唔好睇個瀏覽名單,不過每次都忍唔住去睇.睇完又係咁叫自己唔好介意,但係事實上我又好介意.特別,我最介意既係…都係叫自己唔好咁介意算喇.
(閱讀全文)
|
|
|
|
|
|
|
|
|
|
|
|
|
|
|
|
2006年11月12日 Posted in: 純日記 |
|
| 去左睇Death Note II ,果然同我想像中差唔多,全部改左好多.L改到好勁咁…愈結尾愈悶,因為接近結局既時候改晒.收尾太急,有啲似睇緊無間道大陸版結局既感覺.
同一個位置,竹樹既旁邊,玻璃欄杆既前面,我遇到唔同既兩個人.相處方式唔同,我對佢地同佢地對我都有分別.兩個人亦俾我唔同既感覺.以上幾句都係廢話,但係兩個人都重點係我既朋友,點解會有咁大分別?
聽每一首歌,一開始既體會,同最後既感情,係一樣既.都係唔太關心既.
唔鐘意行路既中間,一定要靠牆行.唔鐘意多人既路,一定要走開一啲.又鐘意人地既眼光,所以又要刻意行快啲.我就係咁,有自己既難題,就係自己既基因缺憾,幾咁幾咁想人地既視線係穿過外在既…一氧化二氫既惡作劇…
點解我會黎到呢度,點解我會諗到呢步.點解會變得咁厲害.轉變發生一定要出乎意料嗎? 音樂反映心情,我隨意彈既全部都係小調音樂…之後又哼輕快既音樂…你明白你係轉變既原因嗎?你明白你有幾咁重要嗎?…
我曾經都講過你而家同我講既野.但係果時你係點既回應?所以問題始終係 : 你係我邊個…假如咩都唔講既話我只可以答應唔刻意尋找一個會講既人…好想你親口講出我地既關係.
(閱讀全文)
|
|
|
|
|
|
|
|
|
|
|
|
|
|
|
|
2006年11月11日 Posted in: 純日記 |
|
| 傷心氣氛延續無休止.
你手裡面有既野,一定會有啲比較重要,有啲係可有可無.人既愛心,關注係有限既.對某一樣野想付出好多關心既時候,自然對另一樣野表現冷淡.不過付出關注又唔係一種額外既心靈支出喎…可以咁講,關心就好似半杯水咁.你拎住呢半杯水.如果你唔俾人飲杯水,你拎住就會覺得重.如果你俾人飲晒杯水都仲要俾人飲,你就要額外付出.正因為每個人既關心都有限,得到關心並唔係必然既事.而你付出你既關心既時候,亦都好應該衡量下付出之後有咩回報.
以下係心態時間線,由過去到現在 : 活躍,kai,串,沉默,得意(半失敗狀態),沉默,而家又有kai既跡象.
聽日去睇死亡筆記第二集,預期會覺得失望,之後節目原本係溜冰,但係又覺得有點兒貴,時間又唔岩.所以打算直接番屋企.
我面前有好多假象,令我覺得現實虛幻.我無辦法揣測事實向好發展定係向壞發展,因為虛驚既情節好壞都有.我進退兩難.做到既只有等.限期會係下星期之後.無目的咁等.
(閱讀全文)
|
|
|
|
|
|
|
|
|
|
|
|
(0)
