 |
 |
 |
 |
|
2006年11月10日 Posted in: 純日記 |
 |
| 冇好事發生過既日子.雖然都冇咩壞事,但係浪費左24小時開心既機會…
派左英文卷.只有17個人合格,我係其中一個,不過成績真係一般.
因為生存係缺乏意義既,所以每個人都應該有自己既信念,而呢個信念必需解釋到生存既意義,去支持你生存落去.強行推翻一個人既信念,係一種殺人既方法,即係令人失去生存意義.
想聽Mp3既時候突然發現,Mp3冇電.差成晚電,同差一兩個鐘電,效果一樣.
冇心機,冇心情.冇乜創作意慾,諗到都懶去寫出黎,最後都係寫左.
我就是輸不起…輸左就會唔開心,一有壞心情就好難令佢好轉.唔開心既感覺真係好辛苦…已經係一種依賴,好難好難去擺脫.而我都想永遠擺脫唔到…唔好俾我擺脫,好唔好?
(閱讀全文)
|
 |
|
|
|
 |
 |
 |
 |
|
|
|
|
|
|
| 即使再想感覺暖暖的下去,還有可能嗎?冬天都已經快來到了,眼淚繼續枯乾下去,蒼白得跟雪一樣,我想每個人都不會等到這一次.但我想擁抱着,應該更加溫暖.
我一直相信只要我認定果個人係你,就唔會有問題,咁其實係咪? 抑或其實你根本冇考慮過我?「不想等你先走遠,才陣腳亂」,我應該抽身離去嗎,你到底有咩諗法,有咩感覺…我未想走,如果你留低我都會,但係如果你要走我一定要先過你… 「愛一個人 希望他過更好」,假如唔係「逃開了彼此 雨也不會停」,咁就,等我走先.
派左中文同西史,一科比我想像中好,另一科就相反.而家中文,數學兩科主要科目都幾好,都不過不失喇…但係呢次只係測驗咋喎.
早知道愈甜蜜的約定愈不可靠…irene你都應該知道><
(閱讀全文)
|
|
|
|
|
|
|
|
|
|
|
|
|
|
|
|
2006年11月08日 Posted in: 純日記 |
|
| 見到件冷衫有啲污糟,所以今日著果件短既風褸番學.仍然唔記得帶錢去買新冷衫…
朝早喺學校無野做,又繼續趕寫「我等待晴天」.剛完成第七章,就黎用晒本細單行簿…(只不過紀錄低我有冇寫,唔係引起任何人既注意.)
再backup起一隻cd,先發覺原來我部電腦唔係好多野.有用或者值得保留既野只不過係咁少.
能力跟速度沒有關係.做得再快既工作,做得唔好一樣冇用.面對困難既反應同執行困難工作既速度先係能力既最佳反映.有啲人拼命要喺限時之內完成工作,但做出黎既結果同平時既能力唔同.咁代表咩呢?咁就代表,一時既速度無法反映真實能力,只有無限時俾你面對一個困難問題要你解決,先係知道一個人能力既最好方法.
睇清楚左自己,好既地方並唔完全係成績.喺其他方面先有我成功既一面.果啲成功既例子,冇幾多人知道.
訓之前聽mp3,諗緊好多野.
(閱讀全文)
|
|
|
|
|
|
|
|
|
|
|
|
|
|
|
| 過左最後一日測驗,反而仲覺得驚…
就當係我為自己搵既藉口,就當係我自私霸道唔想理其他人.但係就算俾你了解一個人,知道晒佢所有問題,之後又可以點?你會有能力幫助佢嗎?唔係話甲想同乙做朋友佢地就可以做到.甲同乙各自心目中,對眼前既對方一定會有不滿.可能唔完美既人,唔配有完美既朋友掛.我覺得,最好既朋友起碼要做到一樣野,就係彼此有特別多既獨處時間.
覺得部電腦愈黎愈有問題,都係決定將電腦backup,然後洗一次機.
十分十分得閒,寫左四頁幾五頁,寫到悶,始終都冇野好做.真係愈寫愈入正題,講起我以前既野.特別好寫…
好想有一日我會開口問到.我根本冇藉口去為妳做啲乜野…
如果這樣下去…好平淡好簡單咁…開唔開心就唔知道~
(閱讀全文)
|
|
|
|
|
|
|
|
|
|
|
|
|
|
|
|
2006年11月05日 Posted in: 純日記 |
|
| ®聽日既測驗,冇話咩準唔準備好…有信心都應該得既.
唔知點解今日好似好得閒咁.好似冇乜野做過咁.整好多一頁flash,總共整好四頁,仲差四至六頁先整晒…今日整好既一頁係pictures果頁,姐係我自己影既相.其實好難幫啲相加說明,因為影得做相,就預左表達用文字表達唔到既野…
download左首memory同埋true colour.兩首歌完都令我好down,可能呢種感覺叫做感動掛,又或者只係諗番起以前,覺得唔開心.以前既我擁有更多既將來,而家既我就比較少,每過一日又要為昨天嘆息,我諗就係咁,所以我諗番以前就會唔開心…
想溫書,但係點睇都覺得冇野要溫.書拎上手,好快又放番低.
令我成熟既,係一面鏡子.呢塊鏡反映既唔係而家,係以前.有左呢塊鏡,我就要學識面對自己.不久以前,鏡入面既我有太多野令我覺得討厭,所以我改,一直改,改到一個我喜歡既自己.所以我不斷咁改變,成長,都係因為一面鏡.如果再要搵多啲最令我改變既野,又或者要搵組成「我」既元素,我仲會揀Canon in D.
睇左好多好多xanga同唔同既blog,全部人都係我識既,偏偏睇落去冇一段我係聽過既.係我太霸道嘛,冇乜關心過人,所以先會冇乜人理我?做朋友有秘密既,仲算係咩朋友?
缺少左妳,令到日記更加空白.
(閱讀全文)
|
|
|
|
|
|
|
|
|
|
|
|
|
|
|
|
2006年06月17日 Posted in: Uncategorized |
|
| 17號,先打昨天的吧,現在才11時許,今天還沒有甚麼感覺
在電腦裡找到一些舊歌,就好像關心妍的”貓咪”,現在聽起來很有感覺.再聽聽”你在哪裡”,更有回憶,更有感覺,旋律伴隨自己的歲月長了,聽起來,回憶特別深厚,回想的事更多.”我是被你遺忘在角落裡的貓 我的悲傷你永遠不知道.”究竟我想起的是誰.唱唱你在哪裡,以前的感覺有點改變了.記得以前來者不拒的心態,真有點兒那個.”只有拚命打轉” - 你在哪裡 薛凱琪
“惡作劇之吻”已經看到了尾二的一集,有時候真想過好不好不看結局呢,只可惜我會忍不住的…我不是男主角,也沒有女主角的幸運…哭了,眼淚就會讓事實浮現,難接受的始終是難接受,裝出來的始終是裝出來的.
明天開始讓這裡的,完全copy xanga的….這個diary還是搬去私人xanga比較好
(閱讀全文)
|
|
|
|
|
|
|
|
|
|
|
|
|
|
|
|
2006年06月16日 Posted in: Uncategorized |
|
| 看看電腦的日曆,有6天沒有打.這6天可是很重要喔,為我空出了很多時間去溫習…這才發覺平時花了怎樣的時間去打BLOGS,由原本短短打在msn space的話,慢慢變長起來,幾乎每天都打…很花時間,真的.
我的世界裡原來有一個空白的位置.失去了愛和不愛的界線,心裡有的就只是適合和不適合,或者再加上適合和更加適合.我有這樣一個幻想,不記得有沒有打過了:一個患上色盲的人,在他的世界裡,黑色是白色的,而白色就是黑色的,如果沒有一個人能向他形容真正的黑和白,他不是一輩子都不會知道真相嗎?如果我不能知道愛和不愛之間的界線,恐怕我也會一輩子都不知道真相.
我-想-取-消-了-這-兒.
(閱讀全文)
|
|
|
|
|
|
|
|
|
|
|
|
(0)
