 |
 |
 |
 |
|
2006年11月19日 Posted in: 純日記 |
 |
| 我自己同自己講都唔信,但呢個係事實 : 我既本性令到我冇辦法喺群體生活得開心…就算我想改變自己都覺得好難,我諗面對舊人事先係咁,如果我轉個新環境應該冇咁困難.
朝早番左去學校幫手搞個咩親子科技營.如果我早知咁多人幫手咁有系統我就唔鬼番去.點我都係鐘意少啲人,每個人功勞大啲咁.Oscar話佢之前幫過手,啲家長好蠢喎,教極都唔識.不過我睇又唔係,有啲家長會聽工作人員講,有啲家長就一幅唔洗你教咁既樣,但係又做錯晒喎,不過都係冇啲教極都唔識既.之後想去食飯,不過 - 一輪擾攘 - 之後,我都係番屋企食冇咁嬲.
一路聽住果首歌,諗起我自己,一路都想喊…
憎一個人或者好累,但係呢種恨就係每次見到都冇辦法壓住.其實憎一個人又講唔到出口仲辛苦.我又迷信有人會了解我,不過我錯喇.我乜都唔講,冇人知我諗乜.所以我都係講出黎.唔該以後有+林煒森+出席既活動盡量唔好叫我,如果叫我先既話亦請盡量唔好叫佢.佢冇咩唔好,只不過我同佢一齊感覺一啲都唔自然.憎恨都可以冇理由既.
冇枯竭過,一直都好完滿,好開心咁.哈哈…
如果你係路邊既樹,其他人喺你生命之中路過,會係點既速度?平時見到既陌生人好似光咁喺你面前飛過,你既普通朋友就好似獵豹咁衝過,你既核心朋友似兔仔咁跳過,你既另一半用龜既速度.但係唔好忘記你都係個路過既,樹都有日會死,你係用左快過光既速度喺漫長既時間上面行過左一小段路.
^^”你唔會離開個可…
|
 |
|
|
|
 |
 |
 |
 |
|
|
|
|
|
|
| 我諗你唔知道.如果你知道,我想你唔介意.如果你介意…咁就冇辦法唔離開…
見每一個人,做每一件事.第一次係最深刻既,最簡單最美既.但係第一次係唔會有結果.我地接觸咁多個人,咁多件事入面,只有少數我地會再接觸第二次.第二次係尋找,去搵解決件事既方法,去搵件事既原因,去搵關於一個人既野,去了解個人,去搵一種感覺.第二次都唔會有結果,唔會成功,不過通常會有第三次.第三次將會成功.假如第三次唔係終點,咁以後每一次都會成功,而且愈黎愈完美.直到轉變既出現.
今日既陸運會原本諗住報一兩個項目,不過最後太懶,都係冇去報…而家後悔囉…
喺巴士上面穿梭城市之間,我會被染上少量既灰色.之前好似提起過一個研究,令我有一個心態,悲觀,但係方向幾好.呢個研究係講如果人從呢一秒全部消失,人類既一切痕跡會持續幾多年.只係二十萬年.而我地身邊見到既世界,只會繼續存在5萬年.只係咁,我地既世界就會消失.無論呢個世界係點討厭,都有佢可愛既一面.呢啲野都好無聊咁,但係被遺忘就係個遺憾.「存在」值得珍惜,但會有一日失去,唔想失去要做既唔只珍惜,應該係諗辦法繼續存在…每次諗到呢度都會唔開心.因為,我地存在,只不過係存在過…
都無野好講,遇見跟住走開,唔係一件好事,但我唔想有更加壞既事發生.即使緣份驅使湊巧在一起,未必唔係面向完結既方向…所以我選擇暫時逃避,直到搵到個機會講你知.
加左首純音樂,「全心全意」(日本歌手BoA既Every Heart),做bg music.
|
|
|
|
|
|
|
|
|
|
|
|
|
|
|
|
2006年11月19日 Posted in: 純日記 |
|
| 如果我唔係怪異,我應該會開朗好多好多…我都可以習慣自己係怪物,有冇其他人可以?
Mp3聽番一首歌,係諗係自己,而唔係人地既.就係「只喝可樂的貓」.呢首舊歌都已經唔喺我Mp3一段日子,尋日突然想聽番又放番入去.或者我覺得自己比較可靠,自己俾自己既感覺更加舒服…我同你都尋找緊啲野…當我想搵一首歌既時候.突然發現你都搵緊,而且你搵到…其實我仲想繼續追問落去,不過我係咪唔應該再問?
希望自己冇咁得閒,忙啲,活躍啲.不過會控制自己有時間做番而家做緊既野.
密友就係有呢個好處.親密既感情可以隨時凍結,無論幾耐之後拎番出黎,仍然係溫暖既.彼此唔會介意對方只喺寂寞既時候先搵自己,關心可以隨便索取,又可以自然咁付出關心.你可以對佢唔好,可以破壞同佢之間既關係,享受講再見既快感,但係又唔洗為離開而內疚.因為密友就係徘徊喺邊緣既穩定關係,若即若離,但係永遠喺你身邊.
Backup工作大致完成,今日完成左font既backup.等到洗機前一日我會再backup晒啲msn既對話紀錄.
(閱讀全文)
|
|
|
|
|
|
|
|
|
|
|
|
|
|
|
| 起初都仲係雨絲,慢慢,出現左大雨.無聲的擴展開去.
我既「第二次性格改造」.第一次係「串」變成「沉默」.刻意既改變,期望帶黎係我更加喜歡既自己.今次想由「沉默」,改成「外在活躍,內心沉默」.首要改變係對群體參與既頻密次數,唔計較麻煩,唔在意自己會好忙冇時間,盡量表現得更加活躍.跟住要改變既係對人態度,同埋相處方法.其實只不過係一個概念,總之我打算咁做.
或者係第一次轉變太過深入.我活躍既一面完全被抑壓.所以我而家…或者真係少少都唔活躍.有一段時間十分享受自己一個既寧靜,有啲時候又討厭只有自己一個影子.而家習慣左每日都有你陪住,一日比一日深陷.假使想放手都唔會太好過.可能之前所謂既享受只係一種抑壓,又一次產生甜檸檬心理… Chemistry 06/07 上學期測驗卷第四頁2c題.答案應該係”Yes.It is workable.”.因為「活躍政策」,我樂於同老師爭辯.內容係咁既 : Workable意指成功達到目的.目的在此處為point out which solid is sugar.題目中方法係用味覺試.因為呢個方法的確可以成功達到目的,所以係workable既.老師舉一個例子去反駁.一個人過馬路,但係會被車車死,所以佢過唔到馬路.不過其實,重點係佢過唔過到馬路.假如佢被車撞到之後仲爬到過對面馬路先死,其實佢係成功左.係workable既.所以,即使試完之後有可能死,但係試完講到結果,呢個方法仍然係workable既.題目冇註明個學生唔可以死.
你既每一首,表達既意思,愈黎愈難明白.其實我地之間可唔可以直接咁對話呢?有咩係唔可以講明白?…我唔知道你諗緊啲咩.
(閱讀全文)
|
|
|
|
|
|
|
|
|
|
|
|
|
|
|
| 今日大部份時間唔喺屋企,出街一次過買左好多想買好耐既野.
買左個內耳耳筒,試左一陣之後就知道內耳式同耳墊式各有好處.耳墊式(最普通果隻)係一定舒服過內耳式(冇左耳墊式圓形果個墊),因為內耳式要放到好入先至有佢既隔音效果.唔知入耳式(比內耳式更長更深入耳朵)又會係點既呢?我就冇乜興趣試,因為耳墊式點都係最舒服同冇咁傷聽覺既.
補充左長期處於不足狀態既衫,包括屋企著既,去街著既.前排買左件新冷衫,而家又換番件大啲既.中一買既36碼而家已經…所以買左40,不過都仲有啲細.最後再換件44既.
我一直覺得對同錯只不過係多數少數問題.係唔係多人著呢種衫,就一定係入流既呢?我就係果種少數人,鐘意著啲唔係潮流既衫.無錯你可以話我唔open-minded,唔肯接受新野.但係我覺得自己鐘意咩應該由自己決定,唔係多人揀我就要跟風.
點樣欺騙自己都好,始終覺得有冇人睇我xanga係好重要既事.成日叫自己唔好睇個瀏覽名單,不過每次都忍唔住去睇.睇完又係咁叫自己唔好介意,但係事實上我又好介意.特別,我最介意既係…都係叫自己唔好咁介意算喇.
(閱讀全文)
|
|
|
|
|
|
|
|
|
|
|
|
(0)
